Mamimiss ko ang lugar na to'

O kay ganda ng bati ng ating kalikasan
O kay init ng yakap ni datu amihan
masiglang kumakaway ang mga puno't kawayan,
pinagmamalaki, kanilang mga dahong ginintuang luntian

namumula ang pisngi ni haring araw
habang siya'y naghahandang lisanin ang ibabaw
kahit na siya'y tila hindi gumagalaw,
kanyang imahen sa tubig, walang awat sa pagsayaw

kahit mataas ng aking kinatutungtungan
paghampas ng alon ay naririnig sa isipan
sa mga higanteng bato na tila nagliliitan
tahimik na nakakumpol sa dalampasigan

di na nagpapaawat ang langit sa pagdilim,
unti-unti nang nagsisilabasan ang mga bituwin,
nagsisimula nang lumamig ang ihip ng hangin,
panahon na para sakin ang lumundag sa bangin

sa aking pagtalon, isip ay tila lumilipad
kahit bawiin ang desisyon, kahit aking ihangad
na ibalik ang sitwasyong, di pa lumulundag
walang makakapigil sa kapalarang sasapitin ng aking palad

palapit na ng palapit ang mga batong matutulis,
nalalanghap ko na ang alat ng along mababangis,
oras ko sa daigdig, ay panipis ng panipis,
hinahanda na ang sarili sa huling paglilitis